CARİ İLDƏ AĞSUDA 500 HEKTARDAN ÇOX SAHƏDƏ PAMBIQ ƏKİLƏCƏYİ GÖZLƏNİLİR
Ağsu, 15 fevral (AZƏRTAC). Vaxtilə Ağsu rayonunda kənd təsərrüfatının aparıcı sahələrindən olan pambıqcılığa marağın azalması, hər şeydən əvvəl, ağır zəhmət bahasına yetişdirilən bu məhsulun satınalma qiymətlərinin torpaq mülkiyyətcilərini qane etməməsi ilə əlaqədardır.
Ağsu Rayon İcra Hakimiyyəti başçısının aqrar məsələlər üzrə müavini Elxan Abdullayev son illər rayonda pambiq əkini sahələrinin azalmasını, keçən il 6 hektara düşməsini məhz məhsulun alış qiymətinin aşağı olması ilə əlaqələndirir. Bununla yanaşı, E.Abdullayev respublikamızda bu sahənin inkişafı ilə əlaqədar böyük perspektivlərin də olduğunu bildirdi və fermerlərlə keçirilən görüslərdəki müzakirələrin torpaq mülikiyyətçilərində ciddi maraq oyatdığını qeyd etdi.
“Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nda Ağsu rayonunda taxılçılıqla yanaşı pambıqçılığın inkişafının dəstəklənməsinin davam etdirilməsi nəzərdə tutulmuşdur. Artıq bununla əlaqədar rayonda lazımi tədbirlərə başlanmışdır. Ilkin olaraq qarşıdakı yazda 500 hektardan çox sahədə çiyid səpini aparılacağı gözlənilir. Bu məqsədlə 600 hektaradək şum qaldırılmış, sahələr arata qoylmuşdur.
Bölmənin digər xəbərləri
