Cavid İmamverdiyev: Azarkeşlərə üçqat ölkə çempionluğu yaşadan “Neftçi” bu uğurun davamını gətirəcəkdir
Bakı, 31 oktyabr (AZƏRTAC). Topaz Premyer Liqasının XI turunda “Simurq” komandası ilə oyunda qələbəyə layiq oyun nümayiş etdirsək də qol vura bilmədik. Elə təkcə mənim fərqlənmək üçün bir neçə real imkanım oldu.
AZƏRTAC xəbər verir ki, bu sözləri “Neftçi” klubunun futbolçusu Cavid İmamverdiyev demişdir.
Bildirmişdir ki, bu fürsətlərdən yararlana bilməməyimizi azarkeşlər təbii olaraq narazılıqla qarşılayırlar. Əlbəttə ki, nəticə tələb etmək azarkeşlərin haqqıdır və onlar öz fikirlərini sosial şəbəkələrdə də bildirirlər. Sadəcə oyun sonrası psixoloji gərginlik səbəbindən bir azarkeşlə dialoqum sərt alınmışdı. Elə bu oyunda fərqlənə bilmədiyimə görə özümü hamıdan çox qınayıram. Qoy azarkeşlərimiz bilsin ki, biz futbolu onlar üçün oynayırıq. Azarkeşlərə üçqat ölkə çempionluğu yaşadan “Neftçi” bu uğurun davamını gətirəcəkdir.
Qeyd edək ki, “Simurq” - “Neftçi” oyunu qolsuz heç-heçə yekunlaşmışdır.
Bölmənin digər xəbərləri
