Cəlilabad rayonunda iki mağazadan oğurluq edən şəxslər tutulublar
Bakı, 18 fevral, AZƏRTAC
Cəlilabad rayonunda mağazalardan oğurluq edən şəxslər tutulublar.
Daxili İşlər Nazirliyinin mətbuat xidmətindən AZƏRTAC-a bildirilib ki, fevralın 16-da rayon ərazisindəki iki mağazadan ümumilikdə 101 manat məbləğində pul, 900 manat dəyərində tütün məmulatları və ərzaq məhsulları oğurlamaqda şübhəli bilinən Qarazəncir kənd sakinləri M.Verdiyev, E.Bağırov və onun qardaşı Cəlilabad Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıblar.
Faktla bağlı rayon polis şöbəsində araşdırma aparılır.
Bölmənin digər xəbərləri
