CENEVRƏDƏ DÜNYA TİCARƏT TƏŞKİLATININÜZVÜ OLAN ÖLKƏLƏRİN İQTİSADİ İNKİŞAF VƏ TİCARƏT NAZİRLƏRININ KONFRANSI KEÇİRİLİR
AZƏRTAC-ın xüsusi müxbirinin konfransın təşkilat mərkəzindən aldığı məlumata görə, tədbirin keçirilməsindən məqsəd dünya ölkələri arasında mövcud iqtisadi, ticarət və aqrar sahələrdə əməkdaşlıq əlaqələrinin daha da sərbəstləşdirilməklə təkmilləşdirilməsinin əsas siyasi istiqamətlərini müəyyənləşdirmək və bu sahədə qarşılıqlı surətdə faydalı ümumi məxrəcə gəlməkdən ibarətdir. İyulun 30-dək davam edəcək konfransda üzv dövlətlərin nazirləri dünyanın aparıcı sənaye ölkələrinin inkişaf etməkdə olan ölkələrin iqtisadiyyatına, xüsusilə aqrar sənaye sahələrinin dirçəlişinə maliyyə yardımı və sərmayələr qoyulması ilə bağlı müzakirələr aparılacaqdır.
Xatırladaq ki, on ay öncə Meksikada keçirilən toplantıda bu məsələlərin həlli ətrafında müzakirələrdə DTT-nin üzvü olan dövlətlərin nazirləri arasında siyasi qarşıdurmalar mövcud olduğundan konfrans işini təxirə salmışdı.
Bölmənin digər xəbərləri
