Çarlz gəlirlərin artması səbəbi ilə qranta ayrılan vəsaiti 45 milyon funt sterlinq artırıb
London, 31 iyul, AZƏRTAC
Britaniya monarxına məxsus torpaqlar və mülklər toplusu olan “Crown Estate”in gəliri artaraq 1,1 milyard funt sterlinqə çatıb.
AZƏRTAC xəbər verir ki, gəliri artması səbəbindən kral ailəsinin rəsmi vəzifələrini dəstəkləyən suveren qrantı 2025-2026-cı illərdə əlavə 45 milyon funt sterlinq artaraq 132 milyon funt sterlinqə yüksələcək. 2024-2025-ci illər üçün bu qrant 86 milyon funt sterlinq təşkil edib.
Hazırda monarxiya “Crown Estate” gəlirlərinin 12 faizini öz işini və “Bukingem” sarayının 2017-ci ildə başlayan 369 milyon funt sterlinq dəyərindəki təmirini maliyyələşdirmək üçün istifadə edir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
