ÇEMPİONLAR LİQASI TURNİRİNİN YARIMFİNALÇILARI MƏLUMDUR
AZƏRTAC xəbər verir ki, aprelin 9-da futbol üzrə Çempionlar liqası turnirinin dörddəbir final mərhələsinin daha iki cavab oyunu keçirilmişdir.
“Mançester Yunayted” (İngiltərə)-“Roma” (İtaliya) - 1:0, “Barselona” (İspaniya)-“Şalke-04” (Almaniya) - 1:0.
Rəqib meydançasında keçirilmiş ilk görüşdə də “Mançester Yunayted” və “Barselona” rəqiblərinə müvafiq olaraq 2:0 və 1:0 hesabı ilə qalib gəlmişdilər və beləliklə, qabaqcadan keçirilmiş püşkün nəticəsinə əsasən bu komandalar yarımfinalda bir-biri ilə iki dəfə qarşılaşacaqlar.
Xəbər verdiyimiz kimi, yarımfinalda digər cütliyi iki ingilis klubu - “Çelsi” və “Liverpul” təşkil etmişlər.
Yarımfinal mərhələsinin oyunları aprelin 22-23-də və 29-30-da keçiriləcəkdir. Final görüşü mayın 21-də Moskvanın “Lujniki” stadionunda oynanılacaqdır.
Bölmənin digər xəbərləri
