Çexiya Ukrayna tanklarını modernləşdirir
Bakı, 7 iyun, AZƏRTAC
Çexiyanın “VOP CZ” zirehlərə texniki xidmət şirkəti Ukrayna T-64 tanklarını təkmilləşdirir.
AZƏRTAC xəbər verir ki, bu barədə şirkətin direktoru Mark Şpok bildirib.
Şirkət direktoru təkmilləşdirilən tankların sayını təhlükəsizlik məqsədilə açıqlamayıb.
"Tanklar optik müşahidə cihazları, müasir rabitə vasitələri və s. ilə təchiz olunacaq", - deyə M.Şpok qeyd edib.
T-64 tankı 1960-cı illərdə Xarkov Malışev Nəqliyyat Mühəndisliyi Zavodunun konstruktor bürosunda hazırlanmış və 1976-cı ildə modernləşdirilmiş T-64B meydana çıxmışdı. Avtomobil birləşdirilmiş zirehlə qorunur və əsas silah 125 mm-lik hamar lüləli silahdır.
Bölmənin digər xəbərləri
