ÇİN İRANA QARŞI QADAĞALAR TƏTBİQ EDİLMƏSİNDƏN ÇƏKİNDİRİR
Çjaosin demişdir: “Dünya birliyi İranın nüvə dosyesi ilə bağlı vəziyyətin nizama salınması istiqamətində hər hansı addımlar atmazdan əvvəl, bu addımların problemi uzunmüddətli planda aradan qaldırılmasına, habelə regionda sülhün və sabitliyin qorunmasına həqiqətən kömək edib-etməyəcəyini nəzərə almalıdır. Bütün əlaqədar tərəflər problemin danışıqlar masası arxasında həll edilməsi üçün maksimum səy göstərməlidirlər”.
XİN başçısının fikrincə, “problemin diplomatik yolla nizama salınması üçün imkanlar hələ tükənməyibdir, ona görə də bütün tərəflər bu istiqamətdə işi gücləndirməlidirlər”. Bununla əlaqədar o, Rusiyanın səylərini yüksək qiymətləndirmişdir. Çjaosin bildirmişdir ki, Pekin İran-Rusiya danışıqlarını dəstəkləyir və danışıqlarda tezliklə tərəqqi əldə olunacağına ümid bəsləyir. Çin bütün tərəflərlə səylərin sıx əlaqələndirilməsini davam etdirəcək və problemin diplomatik yolla nizama salınmasında konstruktiv rol oynamağa hazırdır.
Bölmənin digər xəbərləri
