ÇİNİN HƏRBİ QÜDRƏTİNİN ARTIRILMASI ABŞ-I NARAHAT EDİR
ÇXR-in müdafiə xərclərinin bu il 14 faiz artırılacağını bildirən Rays Pekini hərbi quruculuq məsələlərində daha böyük aşkarlığa çağırmışdır. O vurğulamışdır ki, bu proses şəffaf xarakter daşımalıdır. Yaşıl qitəyə üçgünlük səfərə gələn Amerika diplomatiyasının başçısı martın 18-də Kanberrada avstraliyalı və yaponiyalı həmkarları ilə dünyada strateji təhlükəsizlik məsələlərinə dair məsləhətləşmələr aparacaqdır. Gözlənilir ki, İraq və KXDR ilə yanaşı, Çin də əsas müzakirə mövzusu olacaqdır.
Xatırladaq ki, bu günlərdə Çin ölkənin müdafiə xərclərinin 14,7 faiz artırılacağını elan etmişdir. Cari ildə həmin məqsədlərə 35 milyard dollardan çox vəsait yönəldiləcəkdir. Çin tərəfi xərclərin çoxaldılmasını ölkənin müdafiə qabiliyyətinin artırılması və hərbi qulluqçuların sosial şəraitinin yaxşılaşdırılması zərurəti ilə izah edir, hərbi büdcəsinin ABŞ-ın eyni büdcəsindən dəfələrlə az olduğunu vurğulayır.
Bölmənin digər xəbərləri
