Coğrafiya İnstitutunda “Horizon Avropa” proqramı çərçivəsində seminar
Bakı, 25 aprel, AZƏRTAC
Elm və Təhsil Nazirliyinin akademik Həsən Əliyev adına Coğrafiya İnstitutunun “Horizon Avropa” proqramı çərçivəsində icra etdiyi ITHACA layihəsinə dair seminar keçirilib.
Bu barədə AZƏRTAC-a institutdan məlumat verilib.
Seminarda ITHACA layihəsinin Coğrafiya İnstitutu üzrə əlaqələndiricisi, aparıcı elmi işçi Rövşən Kərimov təqdimatla çıxış edərək, əvvəlcə “Horizon Avropa” proqramında iştirakın şərtləri, müvafiq texniki tələblər, layihələrin yazılması qaydaları, alimlərin proqramdan faydalanma imkanları barədə məlumat verib. Sonra o, ekoloji miqrasiya problemlərinin öyrənilməsinə həsr olunmuş ITHACA layihəsi, bu layihə çərçivəsində görülən işlər haqqında danışıb.
Təqdimatın sonunda seminar iştirakçıları miqrasiyaya dair tədqiqatların və keyfiyyət məlumatlarının bu sahədə fəaliyyət göstərən idarəçilər üçün nə dərəcədə maraqlı və əhəmiyyətli ola biləcəyinə dair fikirlərini bölüşüblər.
Bölmənin digər xəbərləri
