Coğrafiya İnstitutunun əməkdaşları distant elmi seminarlar üçün elektron məruzələr hazırlayırlar
Bakı, 15 aprel, AZƏRTAC
Yeni növ koronavirus pandemiyasının Azərbaycanda geniş yayılmasının qarşısını almaq məqsədilə ölkəmizdə tətbiq edilən xüsusi karantin rejimi ilə əlaqədar olaraq AMEA-nın Coğrafiya İnstitutunun əməkdaşları elmi fəaliyyətlərini onlayn etdirirlər.
İnstitutdan AZƏRTAC-a bildirilib ki, alim və mütəxəssislər müəssisə və təşkilatlarla distant əlaqə saxlayaraq, imkan daxilində lazımi məlumatları əldə edərək araşdırmalar aparırlar.
Elmi müəssisənin əməkdaşları aktual mövzularda tədqiqatlar aparır, distant elmi seminarlar üçün elektron məruzələr hazırlayırlar. Həmçinin üzərində çalışdıqları beynəlxalq layihələrdə işlərini davam etdirirlər.
İnstitutun karantin dövründəki fəaliyyəti gsaz.az saytı və “Facebook” sosial səhifəsi vasitəsilə əməkdaşlara çatdırılır və rəhbərlik tərəfindən nəzarət olunur.
Bölmənin digər xəbərləri
