Bakı, 18 sentyabr, AZƏRTAC

Yeniyetmə cüdoçulardan ibarət Azərbaycan yığmasının üzvləri və məşqçi heyəti Beynəlxalq Sahilyanı Təmizlik Günü çərçivəsində “Xəzəri Qoruyaq!” adlı genişmiqyaslı ekoloji aksiyada iştirak ediblər.

Federasiyadan AZƏRTAC-a verilən məlumata görə, Bilgəh çimərliyində baş tutan tədbir ölkədə ekoloji durumun yaxşılaşdırılması, əhalinin bu sahədə maarifləndirilməsi və ətraf mühitə məsuliyyətli yanaşmasını təbliğ etmək məqsədi daşıyır.

Layihə Coca-Cola, Ekologiya və Təbii Sərvətlər Nazirliyi, “EcoHub” ekoloji platforması, “Carlsberg Azerbaijan”, “PAŞA Bank”, “Bakcell”, “SOCAR” və “McDonald's” şirkətlərinin dəstəyi ilə baş tutub.