Daşınmaz Əmlakın Dövlət Kadastrı və Reyestrinin sədri vətəndaşların müraciətlərini dinləyəcək
Bakı, 6 aprel, AZƏRTAC
İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədri Nigar Alimova aprelin 10-da Gəncə şəhərində Heydər Əliyev Mərkəzinin inzibati binasında (ünvan: Gəncə şəhəri, Yeni Gəncə qəsəbəsi, 28 May küçəsi) Gəncə şəhəri, Göygöl, Samux və Daşkəsən rayonlarından olan vətəndaşlarla görüşəcək.
Qurumdan AZƏRTAC-a bildirilib ki, saat 12:00-dan etibarən keçiriləcək qəbulda vətəndaşlar daşınmaz əmlakın qeydiyyatı, kadastrı və digər aidiyyəti məsələlərlə bağlı müraciət edə bilərlər.
Qəbula gəlmək istəyənlər [email protected] elektron poçt ünvanı vasitəsilə, həmçinin qurumun 3 saylı Gəncə Ərazi İdarəsinə (telefonlar: 055-691-05-77, (022) 2650869 və ya elektron poçt ünvanı: [email protected]) aprelin 9-dək müraciət etməklə qeydiyyatdan keçə bilərlər.
Bölmənin digər xəbərləri
