Dauren Diyarov: Azərbaycanın mötəbər beynəlxalq tədbirlərə ev sahibliyi etməsi ölkənin qlobal nüfuzunun göstəricisidir
Bakı, 2 noyabr (AZƏRTAC). Azərbaycanın mötəbər beynəlxalq tədbirlərə ev sahibliyi etməsi ölkənin qlobal nüfuzunun göstəricisidir.
Bu sözləri Üçüncü Bakı Beynəlxalq Humanitar Forumunun iştirakçısı, Qazaxıstanın “Kazinform" İnformasiya Agentliyinin direktoru Dauren Diyarov AZƏRTAC-a müsahibəsində demişdir.
Üçüncü Bakı Beynəlxalq Humanitar Forumunun yüksək səviyyədə təşkil edildiyini bildirən D.Diyarov qeyd etmişdir ki, artıq üçüncü dəfə bu tədbirə ev sahibliyi edən Azərbaycan dünyanın müxtəlif ölkələrindən olan nüfuzlu insanları bir araya gətirir.
O demişdir: “Müasir mətbuatın aktual problemlərinin müzakirə edilməsi üçün belə platformaların təşkili olduqca mühüm əhəmiyyət kəsb edir. Bu cür beynəlxalq miqyaslı tədbirlər ölkələr və xalqlar arasında əlaqələri daha da möhkəmləndirir.”
Bölmənin digər xəbərləri
