David Zalkaliani: Gürcüstanın Baş nazirinin Azərbaycana səfəri strateji tərəfdaşlığımıza yeni təkan verəcək
Tbilisi, 6 may, AZƏRTAC
Gürcüstanın Baş naziri İrakli Qaribaşvilinin Azərbaycana səfəri çox faydalı, məhsuldar və vaxtında edilmiş oldu.
AZƏRTAC xəbər verir ki, bunu Gürcüstan Baş nazirinin müavini, xarici işlər naziri David Zalkaliani söyləyib.
Onun sözlərinə görə, səfər zamanı aparılan danışıqlar, müzakirə olunan məsələlər və danışıqlar çox səmərəli olub.
D.Zalkaliani deyib: “Azərbaycan Prezidenti İlham Əliyevlə Baş nazir İrakli Qaribaşvili arasında aparılan danışıqlar onu deməyə əsas verir ki, bizim əməkdaşlığımız daha da dərinləşəcək. Bu səfər bizim strateji tərəfdaşlığımıza keyfiyyətcə yeni təkan verəcək”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
