DAXİLİ İŞLƏR NAZİRİ ŞURANIN İCLASINDA İŞTİRAK EDƏCƏKDİR
Nazirliyin mətbuat xidmətindən AZƏRTAC-a bildirmişlər ki, sentyabrın 29-30-da keçiriləcək tədbirdə MDB ölkələrində cinayətkarlığa, narkotiklərin və psixotrop maddələrin qanunsuz dövriyyəsinə, habelə beynəlxalq terrorizm və ekstremizmin digər təzahürlərinə qarşı aparılan birgə mübarizənin səmərəliliyinin daha da artırılması məsələləri müzakirə ediləcəkdir.
Şuranın iclasında, həmçinin 2005-2007-ci illərdə Birlik ölkələrində cinayətkarlığa, narkotiklərin və psixotrop maddələrin qanunsuz dövrüyyəsinə, eləcə də, beynəlxalq terrorizmə qarşı birgə mübarizə tədbirləri barədə plan layihələrinin hazırlanması və Şuranın 2004-cü il 16 iyun tarixli “MDB dövlətlərinin daxili işlər nazirlikləri arasında yaradılmış əməkdaşlığın forma və metodlarının daha da təkmilləşdirilməsi haqqında” qərarından irəli gələn vəzifələrin yerinə yetirilməsi məsələlərinin müzakirəsi də nəzərdə tutulmuşdur.
Bölmənin digər xəbərləri
