“DAYƏ TƏLƏB OLUNUR” VƏ “QAÇMAĞI DÜŞÜNÜRƏM” FİLMLƏRİ MARAQLA QARŞILANMIŞDIR
Filmin ssenari müəllifi və quruluşçu rejissoru Larisa Sadilova tamaşaçıları salamlamış, kinolentin istehsal prosesindən danışmışdır.
Psixoloji filmdə gənc ər-arvadın ailə həyatından bəhs olunur. Yüksək maaşları, şəhər ətrafında hər cür şəraitli evləri, xarici maşınları olan bu ailəyə çoxları həsəd aparır. Lakin biologiya müəllimi, dayə Qalya bu ailədə peyda olandan tədricən hər şey pisliyə doğru dəyişməyə başlayır. Dayə tərbiyə etdiyi uşağa qorxulu nağıllar danışmaqla onun da psixikasını korlayır. Nəticədə, dayənin yaramaz hərəkətləri gənc ailənin dağılmasına səbəb olur.
Rollarda Marina Zubanova, Aleksey Makarov, Viktoriya İsakova, İra Şipova, Raisa Ryazanova, Valeri Barinov çəkilmişlər.
Filmin operatoru Anatoli Petriqa, rəssamı Manzura Uldjabayeva, bəstəkarı Əhməd Bakayevdir.
Həmin gün Bakı kinosevərlərinə xalq yazıçısı Rüstəm İbrahimbəyovun Yuri Polyakovun romanı əsasında yazdığı ssenari əsasında rejissor Murad İbrahimbəyovun çəkdiyi “Qaçmağı düşünürəm” filmi də təqdim edilmişdir.
Boşanma əhvalatından danışılan filmdə baş rollarda Roman İndık, Yekaterina Rednikova, Yelena Polyakova, Yuliya Novikova və Viktor Proskurin çəkilmişlər.
Filmin quruluşçu operatoru Bağır Rəfiyev, rəssamları Aleksandr Jirnov və Dmitri Boqorodski, bəstəkarı Alesya Mankovskayadır.
Paytaxt tamaşaçıları hər iki filmi maraqla qarşılamışlar.
Bölmənin digər xəbərləri
