DEPUTAT ERMƏNİLƏRİN VƏHŞİLİKLƏRİ İLƏ BAĞLI MATERİALLARI BEYNƏLXALQ MƏHKƏMƏYƏ TƏQDİM ETMƏK NİYYƏTİNDƏDİR
Milli Məclisin müdafiə və təhlükəsizlik məsələləri daimi komissiyası sədrinin müavini Tapdıq Kamalov AzərTac-ın müxbirinə bildirmişdir ki, NATO Parlament Assambleyasının martın 19-dan 23-dək Belqrad şəhərində keçirilən Rouz-Roud seminarında bəzi ölkələrin hərbi strukturlarında həyata keçirilən islahatlar və digər məsələlər də müzakirə olunmuşdur. Mən orada müzakirələrdən sonra Beynəlxalq Məhkəmənin prokuroru xanım Del Ponte ilə görüşərək, azərbaycanlıların üzləşdiyi erməni təcavüzü, Xocalı soyqrımının səbəbkarlarının hələ də azadlıqda qalmaları barədə məlumat verdim və Ermənistan rəhbərliyinin nə vaxtsa məhkəmə qaşısında oturmasının mümkünlüyü barədə sualla müraciət etdim. Prokuror Del Ponte bildirdi ki, Beynəlxalq Məhkəmə təqdim olunmuş sənədlər əsasında araşdırma aparır. Azərbaycan tərəfi müvafiq sənədlər təqdim etdikdən sonra faktların araşdırılmasına başlanıla bilər.
Deputat azərbaycanlıların məruz qaldıqları təcavüzə dair ermənilərin vəhşiliklərini sübut edən sənədlər toplusunu Beynəlxalq Məhkəməyə təqdim edəcəyini bildirmişdir.
Bölmənin digər xəbərləri
