DEPUTATLARIMIZ AŞPA-NIN PAYIZ SESSİYASINDA İŞTİRAK EDƏCƏKLƏR
Milli Məclisin mətbuat xidmətindən AZƏRTAC-a bildirmişlər ki, oktyabrın 4-də Strasburqda Avropa Şurası Parlament Assambleyasının payız sessiyası işə başlayacaqdır. Sessiyanın işində Milli Məclisin AŞPA-dakı daimi nümayəndə heyətinin rəhbəri Səməd Seyidovun başçılığı ilə deputatlarımız iştirak edəcəklər. Nümayəndə heyətinə deputatlar Əli Hüseynov, Nairə Sahtaxtinskaya, Gültəkin Hacıyeva, Aydın Mirzəzadə, Bəxtiyar Əliyev, Azər Kərimli, Rəfael Hüseynov, Qulamhüseyn Əlibəyli, Asim Mollazadə və heyətin katibi, Aparatın beynəlxalq münasibətlər şöbəsinin əməkdaşı İlyas Quliyev daxildirlər.
Tədbirdə Avropa Şurasının üzvü olan dövlətlərdə terrorizm təhlükəsi, Azərbaycanın öhdəliklərə əməl etməsinə dair qətnamə, Qazaxıstanda keçirilmiş parlament seçkilərinin nəticələri, Çeçenistanda siyasi vəziyyət və başqa məsələlər müzakirə ediləcəkdir.
Bölmənin digər xəbərləri
