“DƏVƏÇİ-BROYLER” AÇIQ SƏHMDAR CƏMİYYƏTİNDƏ MƏTBUAT KONFRANSI KEÇİRİLMİŞDİR
Müəssisənin baş direktoru Zakir Əzimov səhmdar cəmiyyətinin yarandığı gündən indiyədək keçdiyi inkişaf yolundan, quş əti istehsalının artımından, məhsulun keyfiyyətinin yüksəldilməsi sahəsində həyata keçirilən tədbirlərdən və perspektivlərdən danışmışdır. O qeyd etmişdir ki, istehsal gücünün bərpası, köhnə avadanlığın yenisi ilə əvəz olunması və quraşdırılması sahəsində xeyli iş görülmüşdür.
Baş direktor “quş qripi”ndən danışarkən bildirmişdir ki, “Dəvəçi-Broyler” Səhmdar Cəmiyyətinin ət məhsullarında nə adı çəkilən, nə də digər xəstəliklər yoxdur. Çünki düzgün yemləmə, zootexniki xidmət, vaksinləşdirmə və digər tibbi-profilaktik tədbirlərin vaxtında həyata keçirilməsi sayəsində xəstəliklərin qarşısını almaq mümkündür. O əmin etmişdir ki, müəssisənin quşları da, məhsulları da sağlamdır.
Mətbuat konfransında media nümayəndələrinin çoxsaylı suallarına cavab verilmişdir.
Sonda tədbir iştirakçıları quşçuluq müəssisəsinin sexlərinə baxmışlar.
