DİN: Əqli qüsurlu qadının yaxınları axtarılır
Bakı, 11 avqust, AZƏRTAC
Balakən Rayon Polis Şöbəsinin əməkdaşları rayon ərazisində xidmət aparan zaman köməksiz vəziyyətdə qalan bir qadını görərək ona yaxınlaşıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, itkin düşdüyü ehtimal edilən həmin şəxs polis şöbəsinə gətirilib. Üzərində heç bir sənəd olmadığından onun şəxsiyyətini müəyyən etmək mümkün olmayıb. Qadın 50-60 yaşlarındadır.
Fotosu təqdim olunan həmin şəxsi, eləcə də onun yaxınlarını tanıyanlardan Daxili İşlər Nazirliyinin 102 - Zəng Mərkəzinə və Balakən Rayon Polis Şöbəsinin (024)-295-10-37 şəhər və (055 ) 280-11-10 mobil nömrələrinə zəng vuraraq məlumat vermələri xahiş olunur.
Bölmənin digər xəbərləri
