DİN: Son iki gündə 8 kiloqrama yaxın narkotik vasitə aşkarlanaraq götürülüb
Bakı, 15 may, AZƏRTAC
Polis əməkdaşlarının mayın 13-də və 14-də respublika ərazisində keçirdikləri əməliyyat tədbirləri nəticəsində ümumi çəkisi 7,9 kiloqramdan çox narkotik vasitə aşkarlanaraq götürülüb.
Daxili İşlər Nazirliyinin mətbuat xidmətindən AZƏRTAC-a bildirilib ki, 2,6 kiloqrama yaxın heroin, 4,5 kiloqramdan çox marixuana, 440 qramdan artıq tiryək, 400 qramdan çox metamfetamin, 30 güclü təsiredici xassəyə malik həb və 71 çətənə kolu qanunsuz dövriyyədən çıxarılıb.
Bu istiqamətdə qətiyyətli mübarizə tədbirləri davam etdirilir.
Bölmənin digər xəbərləri
