DİNARA GİMATOVA YUNANISTANDA İKİ BÜRÜNC MEDAL QAZANMIŞDIR
Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, Dinara Gimatova Yunanıstanda keçirilən beynəlxalq turnirdə çoxnövçülükdə və lentlə hərəkətlərin finalında üçüncü yeri tutmuşdur.
D.Gimatova demişdir: “Mart ayı mənim üçün uğurlu olmuşdur. Bu, Moskvada keçirilən beynəlxalq turnirdən sonra növbəti bürünc medalımdır. Mən getdikcə idman formamı mükəmməlləşdirir və düşünürəm ki, iyunun 29-dan iyulun 1-dək Bakıda keçiriləcək Avropa birinciliyində və sentyabrın 16-23-də Patrasda dünya çempionatında əla formada olacağam”.
Aprelin 6-8-də Bakıdakı “Olimpiya” kompleksində Azərbaycanın bədii gimnastika üzrə 14-cü çempionatı keçiriləcəkdir. Yarışlarda güclü gimnastlarımız Dinara Gimatova, Aliyə Qarayeva, Anna Qurbanova, Zeynəb Cavadlı və başqaları ilk iki gündə çoxnövçülükdə respublika çempionlarını müəyyən edəcəklər. Sonuncu gün isə ayrı-ayrı növlərdə final yarışları keçiriləcəkdir.
Bölmənin digər xəbərləri
