DİNİ BİRLİKLƏRLƏ DÖVLƏTİN ƏMƏKDAŞLIĞI RUSİYANIN ƏSAS VƏZİFƏLƏRİNDƏN BİRİDİR
Rusiya Federasiyasının dövlət başçısı Vladimir Putin Rusiya Prezidenti yanında dini birliklərlə qarşılıqlı fəaliyyət Şurasının iclasını keçirmişdir. İclasda vətəndaş cəmiyyətinin sıx birliyi sahəsində dini təşkilatların fəaliyyəti və qlobal terrorizm və ekstremizm təhlükəsi ilə mübarizə məsələsi müzakirə olunmuşdur.
Prezident bəyan etmişdir ki, Rusiyada bir sıra qanlı terror aktları törədilməsindən məqsəd cəmiyyəti parçalamaq, xalqlar arasında düşmənçilik və etimadsızlıq toxumu səpmək, İslam dünyası ilə qeyri-islam dünyası arasına nifaq salmaq və son nəticədə, Rusiyanın birliyinə zərbə endirməkdir.
V.Putin, eyni zamanda, terrorçulara nifrətin digər dindən və millətdən olan insanların üzərinə tökülməsinin qətiyyən yolverilməzliyini bildirərək demişdir ki, çoxkonfessiyalı dövlətdə bu, yolverilməzdir və başlıca vəzifə bunun qarşısını almaqdır. Rusiya dövlətinin başçısı vurğulamışdır ki, terrorizmə və ekstremizmə qarşı birgə səylərlə mübarizə əsas vəzifələrdən biridir və bu gün ümummilli vəzifələrin həlli naminə dini birliklərin və dövlətin əməkdaşlığını daha da inkişaf etdirmək son dərəcə vacibdir.
Bölmənin digər xəbərləri
