Dmitri Peskov: Aya Sofya məbədinin statusunun dəyişməsi Rusiya turistlərinin xeyrinədir
Moskva, 17 iyul, AZƏRTAC
Aya Sofya məbədinin statusunun dəyişməsi Rusiya turistlərinin xeyrinədir.
AZƏRTAC xəbər verir ki, bu fikri Kremlin mətbuat xidmətinin rəhbəri Dmitri Peskov jurnalistlərə bildirib.
O deyib ki, əvvəllər Aya Sofyaya giriş biletinin qiyməti baha idi, indi isə turistlər məbədə pulsuz girə bilərlər. D.Peskov əmin olduğunu bildirib ki, Türkiyənin bu qərarı Rusiya ilə münasibətlərə heç bir zərər gətirməyəcək. Rusiya bu məsələni Türkiyənin daxili işi hesab edir.
“Biz hesab edirik ki, türk tərəfdaşlarımız hər hansı qərarı qəbul etməzdən əvvəl Aya Sofyanın UNESCO-nun Dünya İrsi Siyahısına daxil olduğunu unutmayacaqlar”, - deyə o vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
