DÖVLƏT İDARƏÇİLİK AKADEMİYASINDA YENİ DƏRS İLİNİN BAŞLANMASI MÜNASİBƏTİLƏ TƏDBİR KEÇİRİLMİŞDİR
Akademiyadan AZƏRTAC-ın müxbirinə bildirmişlər ki, rektor, əməkdar elm xadimi, professor Seyfəddin Qəndilov tədbirdə çıxış edərək ümummilli liderimiz Heydər Əliyevin diqqət və qayğısı ilə yaradılmış bu tədris ocağında əldə olunmuş uğurlardan, ölkəmizdə gənclərə və təhsilə göstərilən dövlət himayəsindən danışmışdır.
Rektor, eyni zamanda, yeni dərs ilinin başlanması və “Bilik günü” münasibətilə müəllim və tələbələri təbrik etmiş, onlara təhsildə yeni nailiyyətlər arzulamışdır.
Kafedra müdiri, professor Akif Bayramov, dosent Musa Quliyev xoş arzularını çatdırmış, birinci kurs tələbəsi Fariz Cəfərov isə bu ali təhsil ocağına qəbul olması ilə fəxr etdiyini söyləmişdir.
Valideynlərdən Qərənfil Xəlilova və Xəlil Talıbov akademiyada təhsil üçün hər cür şərait yaradıldığına görə minnətdarlıqlarını bildirmişlər.
Bölmənin digər xəbərləri
