Dövlət Neft Şirkətinin Ekologiya İdarəsinin mütəxəssisləri seminarda iştirak etmişlər
Bakı, 21 avqust (AZƏRTAC). Ötən günlərdə Azərbaycan Respublikası Dövlət Neft Şirkətinin (ARDNŞ) Ekologiya İdarəsinin mütəxəssisləri AMEA-nın Energetikanın kompleks problemlərinin koordinasiya şurası (EKPKŞ), “Təmiz istehsalat və enerji effektivliyi mərkəzi” İctimai Birliyi (TİEE) və “Norveç yüksək dərəcəli mühəndislər və elmi işçilər” (TEKNA) cəmiyyətinin təşkilatçılığı ilə “İqtisadiyyatın inkişafında enerji effektivliyinin rolu: müxtəlif təsərrüfat sahələrində realizə olunan layihələr və onların yerlərdə tətbiqi perspektivləri” mövzusunda seminar iştirak etmişlər.
AZƏRTAC xəbər verir ki, seminarda Sənaye və Energetika Nazirliyinin, Ekologiya və Təbii Sərvətlər Nazirliyinin, Kənd Təsərrüfatı Nazirliyinin, müxtəlif şirkət və birliklərin nümayəndələri iştirak etmişlər.
Seminarın əsas məqsədi Azərbaycan Respublikasında enerji effektivliyinin inkişafına gətirən layihələrin və analoji perspektiv layihələr haqqında iştirakçıları məlumatlandırmaq və maarifləndirməkdən ibarət olmuşdur.
Sentyabrın 16-da təşkilatçılar tərəfindən daha bir seminarın keçirilməsi planlaşdırılmışdır.
Bölmənin digər xəbərləri
