Dövlət Vergi Xidməti: Elektron kabinetin mobil tətbiqi üzərində iş aparılır
Bakı, 15 may, AZƏRTAC
Vergiödəyiciləri üçün elektron kabinetin mobil tətbiqi üzərində iş aparılır.
AZƏRTAC Dövlət Vergi Xidmətinə istinadla xəbər verir ki, bu, vergiödəyicilərinin bir sıra əməliyyatlarının mobil tətbiq üzərindən sadə şəkildə icrasının təmin edilməsinə, İnternet Vergi İdarəsinin imkanlarından daha rahat istifadəyə nail olunmasına, vergi, sosial sığorta və icbari tibbi sığorta ilə bağlı öhdəliklərin vaxtında icrasına imkan verəcək.
Qeyd olunub ki, hazırda bir sıra interaktiv elektron xidmətlərin yaradılması istiqamətində də tədbirlər görülür.
Bu sırada yeni elektron xidmətlər vasitəsilə vergi qanunvericiliyinin tətbiqi ilə bağlı yanaşmaları, habelə inzibati şikayətlər üzrə formalaşmış təcrübədən irəli gələn rəsmi mövqeləri əks etdirən resurs istifadəyə veriləcək.
Beləliklə, rəqəmsal həllərə söykənən bu dəyişikliklər və imkanların yaradılması vergiödəyicilərinin vaxt itkisinin və lüzumsuz prosedurların aradan qaldırılmasına gətirib çıxaracaq.
Bölmənin digər xəbərləri
