DÖVLƏTLƏR ARASINDA İKİQAT VERGİTUTMANIN ARADAN QALDIRILMASINA XÜSUSİ DİQQƏT YETİRİLİR
Vergilər Nazirliyindən AZƏRTAC-a bildirmişlər ki, ölkəmizdə əlverişli sərmayə mühiti yaratmaq üçün dövlətlər arasında ikiqat vergitutmanın aradan qaldırılmasına xüsusi diqqət yetirilir. Hazırda 17 dövlətlə belə saziş tətbiq edilir. Bundan əlavə, Azərbaycanın 4 dövlətlə - Belçika, İtaliya, Kanada və Pakistanla müvafiq saziş layihələri təsdiq edilmiş və yaxın günlərdə qüvvəyə minəcəkdir. Latviya, Finlandiya və Çexiya ilə sözügedən sazişlər də imzalanmışdır və hər iki tərəfin parlamentləri tərəfindən təsdiq olunacaqdır. Daha 18 dövlətlə belə saziş layihələri ekspertlər səviyyəsində tam razılaşdırılıb və imzalanmaya hazırdır.
Eyni zamanda, Birləşmiş Ərəb Əmirlikləri, Qırğızıstan, İran, Yunanıstan, Oman və Hindistanla müvafiq saziş layihələrinin imzalanması istiqamətində danışıqlar aparılır.
Bu sahədə inkişaf etmiş ölkələrə inteqrasiyanın əhəmiyyətini nəzərə alaraq, respublika hökuməti birinci növbədə, Avropa İttifaqı ölkələri ilə müvafiq sazişlərin imzalanmasına üstünlük verir.
Bölmənin digər xəbərləri
