DÖVLƏTLƏRARASI SAZİŞLƏR İMZALANMIŞDIR
Xəbər verdiyimiz kimi, Avstriyanın paytaxtı Vyanada işgüzar səfərdə olan Azərbaycan nümayəndə heyətinin başçısı, iqtisadi inkişaf naziri Fərhad Əliyev noyabrın 19-da ölkənin iqtisadiyyat və əmək nazirinin müavini Yozef Mayer, Kənd Təsərrüfatı, Meşəçilik, Ətraf Mühitin Qorunması və Su Ehtiyatları Nazirliyinin baş katibi Verner Vutçer və Maliyyə Nazirliyinin dövlət katibi Alfred Fintslə görüşlərində ölkələrimiz arasında iqtisadiyyatın ən müxtəlif sahələrində əməkdaşlıq yaradılması barədə fikir mübadiləsi aparmışdır.
Ölkəmizin Vyanadakı səfirliyindən AZƏRTAC-a bildirmişlər ki, A.Fitnslə görüşdən sonra tərəflər Azərbaycan ilə Avstriya arasında gömrük məsələləri üzrə qarşılıqlı yardım və əməkdaşlıq haqqında saziş imzalamışlar.
Nazir F.Əliyev OPEK Fondunun baş direktoru Səid Abdullai ilə də görüşmüş və tərəflər Azərbaycan ilə OPEK Fondu arasında sərmayələrin təşviqi və qorunması haqqında saziş imzalamışlar.
Azərbaycan nümayəndə heyətinin üzvü, nəqliyyat naziri Ziya Məmmədovun həmin gün Avstriyanın nəqliyyat və infrastruktur naziri Matias Rayhholdla görüşündə isə ölkələrimiz arasında beynəlxalq yükdaşımalara dair saziş imzalanmışdır.
Azərbaycanı nümayəndə heyətinin üzvü olan iş adamları avstriyalı həmkarları ilə görüşərək, konkret əməkdaşlıq layihələri barədə danışıqlar aparmış və niyyət protokolları imzalamışlar.
Bölmənin digər xəbərləri
