DÜDƏNGƏ KƏNDİNDƏ MƏKTƏB BİNASI İSTİFADƏYƏ VERİLMİŞDİR
Bu münasibətlə keçirilən mərasimdə çıxış edənlər bildirmişlər ki, son yeddi ildə rayonda 3 min 34 yerlik 9 yeni məktəb istifadəyə verilmiş, 4 min yerlik 6 məktəb binasında əsaslı təmir və yenidənqurma işləri aparılmışdır. Yaxın aylarda Alışar və Vərməziyar kəndlərində də yeni məktəblər istifadəyə veriləcəkdir.
Açılış mərasiminə gələn Naxçıvan MR Ali Məclisinin sədri Vasif Talıbov müəllim və şagirdləri, valideynləri bu münasibətlə təbrik etmiş və məktəbə kompüter dəsti bağışlamışdır.
İkimərtəbəli məktəbdə hazırda 463 şagird təhsil alır və onların təlim-tərbiyəsi ilə 48 nəfər müəllim məşğul olur.
X X X
Həmin gün məktəb binasında həkim ambulatoriyasının da açılışı olmuşdur. Mərasim iştirakçıları göstərilən diqqət və qayğıya görə əlaqədar təşkilatlara minnətdarlıqlarını bildirmişlər.
Bölmənin digər xəbərləri
