Dünya çempionatında qadın qrupların temp hərəkətində qaliblər müəyyənləşib
Bakı, 13 mart, AZƏRTAC
Bakıda keçirilən akrobatika gimnastikası üzrə 28-ci dünya çempionatında qadın qrupların temp hərəkətində qaliblər müəyyənləşib.
AZƏRTAC xəbər verir ki, Belçika gimnastları 29,130 xalla bütün rəqiblərini qabaqlayaraq fəxri kürsünün ən yüksək pilləsinə qalxıblar. Portuqaliya qrupu 28,210 xalla çempionatı ikinci, İsrail idmançıları (28,140) üçüncü pillədə başa vurublar. Bu, Belçika komandasının dünya çempionatında qazandığı 6-cı qızıl medaldır.
Xatırladaq ki, 2018-ci ildə Azərbaycan ilk dəfə akrobatika gimnastikası üzrə dünya kuboku turnirinə, bu il martın 3-dən 6-dək isə 12-ci dünya yaş qrupları yarışlarına ev sahibliyi edib.
Bölmənin digər xəbərləri
