DÜNYA ÇEMPİONU AĞASI MƏMMƏDOVUN NÖVBƏTİ QƏLƏBƏSİ
Macarıstanda başa çatmış beynəlxalq boks turnirində 57 kiloqram çəki dərəcəsində çıxış edən dünya çempionu Ağası Məmmədov yarlşların qalibi olmuşdur. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, Azərbaycanı yarışlarda üç idmançı təmsil etmişdir. Turnirdə Ceyhun Abıyev də (51kq) uğurla çıxış edərək, ikinci yeri tutmuşdur.
Yığma komandanın məşqçiləri bu turniri Beynəlxalq Həvəskar Boks Federasiyasının prezidenti, professor Ənvər Çoudri adına ənənəvi turnirə hazırlığın növbəti mərhələsi kimi qiymətləndirmişlər. Xatırladaq ki, cari ilin aprelində Bakıda keçiriləcək bu turnirin qalibləri ilk dəfə olaraq olimpiya lisenziyaları alacaqlar.
Bölmənin digər xəbərləri
