DÜNYADA İNTİHAR EDƏNLƏRİN SAYI ARTIR

09.09.2004 [13:06]
Çap et
A⁺ A^-

AZƏRTAC xəbər verir ki, Dünya Səhiyyə Təşkilatının (DST) yaydığı məlumata görə, dünyada hər il təxminən 1 milyon adam özünə qəsd edir ki, bu da müharibələr və cinayətlər nəticəsində ölənlərin sayından çoxdur. DST mütəxəssislərinin fikrincə, 2020-ci ildə bu göstərici 1,5 milyon nəfərədək arta bilər.

DST-nin qeyri-yoluxucu və psixiki xəstəliklər şöbəsi direktorunun köməkçisi Katerina le Qales-Qamus demişdir: “İntihar qlobal problemdir. Onunla mübarizə üçün təcili tədbirlər görmək lazımdır”.

İntihar halları daha çox Şərqi Avropa ölkələrində yayılmışdır. Latın Amerikası ölkələrində, müsəlman dövlətlərində və bir neçə Asiya ölkəsində belə halların sayı xeyli azdır.

DST mütəxəssislərini yeniyetmələr arasında intiharların sayının getdikcə artması faktı daha çox narahat edir. Həm də, qadınlarla müqayisədə kişilər daha tez-tez həyatla könüllü vidalaşırlar.

DÜNYADA İNTİHAR EDƏNLƏRİN SAYI ARTIR

MÜƏLLİFLƏ ƏLAQƏ