DÜNYANIN ƏN HÜNDÜR GÖYDƏLƏNİ BİRLƏŞMİŞ ƏRƏB ƏMİRLİKLƏRİNDƏ UCALDILACAQ
Tikintisi üç il çəkəcək göydələn 1 milyard dollara başa gələcəkdir. AZƏRTAC xarici informasiya agentliklərinə istinadla xəbər verir ki, bunu Dubayın vəliəhdi, BƏƏ-nin müdafiə naziri şeyx Məhəmməd ben Rəşid Al Məktum “Əl-Bəyan” qəzetinə müsahibəsində bildirmişdir. O demişdir: “Bu nadir memarlıq abidəsinin ucaldılması dünya şəhərsalmasında dönüş mərhələsi olacaqdır”.
“Dubay bürcü”ndə mənzillərlə yanaşı, mehmanxanaların, ofislərin, ticarət və əyləncə komplekslərinin də yerləşdirilməsi planlaşdırılır.
“Dubayın bürcü”ndəki mənzillər çox təmtəraqlı və baha olacaqdır. Onları ala bilən hər bir imkanlı əcnəbiyə mənzilin orderi ilə bərabər, BƏƏ-də yaşamaq hüququ verən rezident vizası da veriləcəkdir.
Bölmənin digər xəbərləri
