Düzgün diplomatik siyasət 44 günlük müharibənin böyük Zəfərlə başa çatmasını təmin etdi
Bakı, 6 noyabr, AZƏRTAC
AMEA-nın Genetik Ehtiyatlar İnstitutunda 8 Noyabr - Zəfər Günü ilə bağlı tədbir keçirilib.
Bu barədə AZƏRTAC-a AMEA-dan bildirilib. İnstitutun baş direktoru, AMEA-nın müxbir üzvü Zeynal Əkpərov 44 günlük müharibənin böyük zəfərlə başa çatmasının əsas səbəbinin düzgün diplomatik siyasətin nəticəsi olduğunu tədbir iştirakçılarının nəzərinə çatdırıb. Böyük Zəfərdən sonra ölkə Prezidentinin işğaldan azad edilmiş bölgədə bərpa və abadlıq, quruculuq işlərini şəxsən öz nəzarətində saxlaması və bu işlərin çox sürətlə getməsi gözlərimiz önündədir və biz alimlərin öz işlərinə münasibətdə məsuliyyətini daha da artırır.
Qeyd olunub ki, Genetik Ehtiyatlar İnstitutunun Tərtər rayonunda 1950-ci ildən 1989-cu ilədək fəaliyyət göstərmiş Qarabağ Elmi-Tədqiqat Bazasında işğaldan sonra ilk dəfə tarla seminarının keçirilməsi institutun bölgədə aparılan bərpa və quruculuq işlərinə bir töhfəsidir.
Sonra institutun əməkdaşları Zəfər Günü ilə bağlı fikirlərini bölüşüblər.
Sonda “Qələbəyə gedən yol - Böyük Zəfər” adlı videoçarx nümayiş olunub.
Bölmənin digər xəbərləri
