DVX-nin rəsmisi: Bazarda əmək məşğulluğu sahəsində hələ də problemlər mövcuddur
Şamaxı, 13 may, AZƏRTAC
İşə götürənlə işçi arasında əmək müqaviləsi bağlanmalıdır.
AZƏRTAC xəbər verir ki, bu barədə mayın 13-də Dövlət Vergi Xidmətinin (DVX) Şamaxı tədris mərkəzində KİV təmsilçiləri üçün keçirilən təlimdə xidmətin rəsmisi Nigar Vahabzadə deyib.
Bildirilib ki, qanunvericiliyə görə işçinin işə əmək müqaviləsi olmadan götürülməsi qadağandır. Bununla belə, bazarda əmək məşğulluğu sahəsində hələ də problemlər mövcuddur. Bura, həmçinin əməkhaqlarının uçotdan kənar verilməsi də daxildir.
N.Vahabzadə qeyd edib ki, artıq 2006-cı ildən fərdi uçot sistemi həyata keçirilib. İşçi əmək müqaviləsi olmadan fəaliyyət göstərdiyi halda, bir sıra hüquqlardan məhrum olur. Belə ki, Əmək Məcəlləsinin pozmuş sahibkarlar ilk dəfə buna yol verdikdə 2000 manat cərimə edilir.
Nəzərə çatdırılıb ki, 2023-cü ilin yanvar-aprel aylarında 875 nəfər müqavilə bağlamayan işçi sayı müəyyən edilib.
Bölmənin digər xəbərləri
