Ədliyyə işçiləri və hakimlər 500 min manat məbləğində könüllü ianələr edib
Bakı, 22 noyabr, AZƏRTAC
Zəfər Günü və 22 noyabr - ədliyyə işçilərinin peşə bayramı ərəfəsində Qarabağ Dirçəliş Fonduna ədliyyə işçiləri və hakimlər tərəfindən 500 min manat könüllü ianələr edilib.
Bu barədə AZƏRTAC Ədliyyə Nazirliyinin mətbuat xidmətinə istinadən xəbər verir.
Bildirilib ki, peşə bayramı ərəfəsində ədliyyə veteranları və gənclərlə görüşlər keçirilib, Vətən müharibəsi iştirakçılarına, şəhid ailələrinə, o cümlədən nazirliyin şəhid olmuş əməkdaşı Ruhin Xəlilovun ailəsinə baş çəkilərək diqqət və qayğı göstərilib.
Qeyd edək ki, Ədliyyə Nazirliyinin İcra Baş idarəsində məsləhətçi vəzifəsində çalışmış Ruhin Xəlilov 21 oktyabr 2020-ci ildə Qubadlı rayonunun azadlığı uğrunda gedən döyüşlərdə qəhrəmancasına şəhid olub. İkinci Fəxri xiyabanda dəfn edilib.
Bölmənin digər xəbərləri
