DÜNYA
ƏFQANISTANDA MƏHBUSLARA İŞGƏNCƏ VERƏN ÜÇ AMERİKALI HƏBS CƏZASINA MƏHKUM OLUNMUŞDUR
AZƏRTAC xarici informasiya agentliklərinə istinadla xəbər verir ki, qeyri-qanuni həbslər keçirdiyinə, işgəncə verdiyinə, habelə özəl həbsxana yaratdığına görə üç amerikalı Əfqanıstan məhkəməsi tərəfindən 8 ildən 10 ilədək müddətə həbs cəzasına məhkum olunmuşlar.
Müttəhimlər - xüsusi təyinatlı “yaşıl beretlər” dəstəsinin əsgəri Conatan Aydemaya və onun köməkçisi, ABŞ-ın keçmiş hərbi qulluqçusu Brent Berettə 10 il, onların cinayət yoldaşı jurnalist Edvard Karaballoya isə 8 il həbs cəzası kəsilmişdir.
2004-cü ilin iyul ayında həbs olunmuş amerikalılar özlərinə qarşı irəli sürülmüş ittihamları rədd edərək təkidlə bildirirlər ki, bu əməllər ABŞ və Əfqanıstan hökumətlərinin icazəsi ilə törədilmişdir.
Keçmiş amerikalı hərbçilərin cinayət yoldaşı olan dörd əfqan 1 ildən 4 ilədək müddətə həbs cəzasına məhkum edilmidir.