Ekologiya İdarəsində ulu öndər Heydər Əliyevin 90 illik yubileyi münasibətilə iməcilik keçirilmişdir
Bakı, 29 aprel (AZƏRTAC). Ümummilli lider Heydər Əliyevin 90 illik yubileyi ərəfəsində Azərbaycan Respublikası Dövlət Neft Şirkəti tərəfindən hazırlanmış “Tədbirlər planı”na uyğun olaraq Ekologiya idarəsinin 40 nəfər əməkdaşının iştirakı ilə “Bibiheybət” ekoloji ölçmə məntəqəsinin ərazisində iməcilik keçirilmişdir.
AZƏRTAC xəbər verir ki, iməcilik zamanı ərazidə mövcud olan 500-ə yaxın müxtəlif növ ağaca aqrotexniki qulluq göstərilmişdir. Ağacların dibi yumşaldılmış, alaqlar çıxarılmış, gövdələr əhənglənmiş və dirəklər bərkidilərək bir sıra abadlıq işləri aparılmışdır.
Bundan başqa iməcilik zamanı Ekologiya idarəsinin inzibati binasının qarşısında 600 ədəd qızıl gül kolu əkilmişdir.
Bölmənin digər xəbərləri
