Ekologiya idarəsinin mütəxəssisləri təlim kursunda iştirak etmişlər
Bakı, 4 may (AZƏRTAC). Ekologiya idarəsinin mütəxəssisləri Azərbaycan Respublikası Dövlət Neft Şirkətinin idarə və müəssisələrində ekoloji təhlükəsizlik məsələlərinə diqqətin artırılması, müəssisələrin gündəlik istehsal fəaliyyətinin ətraf mühitin mühafizəsi tələblərinə uyğun aparılmasına nəzarətin gücləndirilməsi məqsədilə Təlim, Tədris və Sertifikatlaşdırma İdarəsinin kadr hazırlığı mərkəzində 10 müddətində keçirilən geniş profilli təlimlərdə iştirak etmişlər.
AZƏRTAC xəbər verir ki, təlimlər əsasən təhlükəsizlik texnikasının qaydaları, İSO 14001 ekologiya idarəetmə sistemi üzrə auditin keçirilmə qaydaları, ekoloji risklər və onların idarə olunması, iqlim dəyişmələrinə təsirin azaldılması, ətraf mühitin mühafizəsi sahəsində qanunvericilik, yaşıllaşdırma işinin aparılması qaydaları, müəssisələr üzrə ətraf mühitin ilkin ekoloji göstəricilərinin təyini, ətraf mühitə və sosial sahəyə təsirlərin qiymətləndirilməsi, neft və neft məhsulları ilə çirklənmiş torpaqların bərpası, su hövzələrinin, qrunt və lay sularının idarə olunması və başqa istiqamətləri əhatə etmişdir.
İdarənin mütəxəssisləri təlimləri müvəffəqiyyətlə başa vuraraq sertifikatlar əldə etmişlər.
Bölmənin digər xəbərləri
