Ekologiya və təbii sərvətlər naziri Şirvan şəhərində vətəndaşları qəbul edəcəkdir
Bakı, 3 may (AZƏRTAC). Ekologiya və təbii sərvətlər naziri Hüseyn Bağırov mayın 15-i saat 11:00-da Şirvan şəhərindəki Mərkəzi Mədəniyyət evində vətəndaşları qəbul edəcəkdir.
Nazirliyin mətbuat xidmətindən AZƏRTAC-a bildirmişlər ki, qəbulda Şirvan şəhəri ilə yanaşı, Salyan, Neftçala, Hacıqabul, Saatlı və Sabirabad rayonlarının sakinləri də iştirak edə biləcəklər.
Bunun üçün vətəndaşlardan [email protected] elektron poçt ünvanı, 168 saylı “Qaynar xətt”, həmçinin nazirliyin 3 saylı ərazi ekologiya və təbii sərvətlər şöbəsi ilə əlaqə saxlamaları (ünvan: Şirvan şəhəri, İsmət Qayıbov küçəsi 16, əlaqə tel: 070- 376-09-80 və 021-21-6-22-47) xahiş olunur.
Bölmənin digər xəbərləri
