Ekologiya və Təbii Sərvətlər Nazirliyi gölləri çirkləndirənlər barəsində inzibati tədbirlər görür
Bakı, 27 yanvar, AZƏRTAC
Ekologiya və Təbii Sərvətlər Nazirliyi Bakı və Abşeron yarımadası ərazisindəki gölləri çirkləndirənlər barəsində inzibati tədbirlər görür. Nazirliyin əməkdaşları çirkab sularının axıdılmasının monitorinqini aparır, gölətrafı ərazilərdə məişət tullantılarının qanunsuz utilizasiyası faktlarını üzə çıxarırlar. Bu problem Xocasən gölündə xüsusilə kəskindir. Onun zibil yığnağına çevrilmiş sahilində antisanitariya hökm sürür.
Nazirliyin Ətraf Mühitin Mühafizəsi Departamentindən AZƏRTAC-a bildiriblər ki, gölətrafı ərazilərdə ekoloji vəziyyəti yaxşılaşdırmaq ilk növbədə yerli icra hakimiyyətinin və kanalizasiya sularının göllərə axıdılması probleminin həllinə məsuliyyət daşıyan “Azərsu” ASC-nin vəzifəsidir.
Bölmənin digər xəbərləri
