Ekspert: Daşınmaz əmlak bazarında dinamikanın azaldığını müşahidə edirik
Bakı, 11 avqust, AZƏRTAC
Son dövrlərdə daşınmaz əmlak bazarında dinamikanın azaldığını müşahidə edirik. Bütövlükdə 2026-cı ili daşınmaz əmlak bazarı üçün passiv dövr kimi xarakterizə etmək olar. Aparılan araşdırmalar göstərir ki, həm əməliyyatların sayında, həm də müraciətlərdə kəskin azalmalar müşahidə olunur. Bu isə təbii olaraq tələbin aşağı düşməsi ilə əlaqədardır.
Bu fikirləri AZƏRTAC-a açıqlaması zamanı əmlak məsələləri üzrə ekspert Ramil Osmanlı deyib.
“Hesab edirəm ki, bu vəziyyət makroiqtisadi göstəricilər və ölkədəki iqtisadi aktivliklə birbaşa bağlıdır. Yaxın bir-iki ay ərzində də daşınmaz əmlak bazarında oxşar vəziyyətin davam edəcəyini düşünürəm. Əgər daşınmaz əmlak bazarında ciddi pul axınları baş verməzsə, eyni zamanda, şəhərsalma ilə bağlı mühüm inzibati qərarlar qəbul olunmazsa, ilin sonuna qədər bazarda passiv vəziyyətin davam etməsi mümkündür. Təəssüf ki, bazardakı passivlik hələlik qiymətlərdə özünü göstərmir və əhəmiyyətli qiymət azalması müşahidə olunmur. Bununla belə, bəzi bahalı əmlak seqmentlərində qiymətlərin azalma istiqamətində dəyişməsinə dair müəyyən meyillər artıq müşahidə edilir”, - deyə ekspert əlavə edib.
Bölmənin digər xəbərləri
