ƏLİ HÜSEYNOV AFFA HAKİMLƏR KOMİTƏSİNİN SƏDRİ VƏZİFƏSİNDƏN AZAD OLUNMUŞDUR
AZƏRTAC xəbər verir ki, AFFA İcraiyyə Komitəsinin iyulun 20-də keçirilən iclasında qurumun hakimlər komitəsinin sədri Əli Hüseynov vəzifəsindən azad edilmişdir. Bu vəzifəyə milli yığma komandalar departamenində baş mütəxəssis vəzifəsində çalışan Murad Məmmədov təyin olunmuşdur.
AFFA prezidenti R.Mirzəyev bildirmişdir ki, Ə.Hüseynovun istefasına səbəb ötən çempionatda hakimliklə bağlı bir sıra problemlərin yaranmasıdır. Bu sahədə xeyli işlərin görülməsinə, ciddi səhvlərə yol vermiş hakimlərə qarşı sərt cəzalar tətbiq olunmasına baxmayaraq, kifayət qədər nöqsanlar mövcuddur. R.Mirzəyev bildirmişdir ki, növbəti mövsümdə hakimlərə qarşı cəza tədbirləri daha da sərtləşdiriləcəkdir.
Bölmənin digər xəbərləri
