ƏMƏK VƏ ƏHALİNİN SOSİAL MÜDAFİƏSİ NAZİRLİYİNDƏ GÖRÜŞ
Nazir Əli Nağıyev görüşü açaraq bildirmişdir ki, 20 Yanvar ölkəmizin müstəqilliyinin başlanğıcı olmaqla yanaşı, həm də azərbaycanlıların şərəf və ləyaqətlərinin təzahürü günüdür. 20 Yanvar heç vaxt unudulmayacaq tarix dərsidir.
Nazir vurğulamışdır ki, hazırda Azərbaycan sosial-iqtisadi inkişaf baxımından 15 keçmiş sovet respublikası arasında layiqli yer tutur. Ümummilli liderimiz Heydər Əliyevin ideyalarının davamçısı olan Prezident İlham Əliyevin rəhbərliyi ilə həyata keçirilən tədbirlər ölkənin inkişafına daha güclü təkan verəcəkdir. Respublikanın iqtisadi inkişafı əhalinin aztəminatlı təbəqələrinə, əlillərə və şəhid ailələrinə diqqət və qayğını daha da artırmağa imkan yaradır.
20 Yanvar Əlilləri və Şəhidləri Cəmiyyətinin sədri Sahib Əlizadə, cəmiyətin üzvləri Eyşən İskəndərov, 2-ci qrup əlil Mübariz İsmayılov və başqaları görüşdə çıxış edərək, əlillərin və şəhid ailələrinin problemlərinin həlli sahəsində nazirliyin fəaliyyətini yüksək qiymətləndirmişlər.
Nazirlik əlillərin sosial müdafiəsi proqramının vəsaiti hesabına 330 əlilə və 130 şəhid ailəsinin üzvlərinin hər birinə 150 min manat məbləğində yardım ayırmışdır.
Bölmənin digər xəbərləri
