Ərdoğan: Türkiyənin gücü Anadoluda əmin-amanlığın təminatıdır
Ankara, 8 dekabr, AZƏRTAC
“Türkiyə hər sahədə güclü olmalıdır. Bu da Anadoluda sakit həyatın təminatıdır. Gələcək nəsillərə firavan bir ölkə qoymaq istəyiriksə, Türkiyənin gücünü inkişaf etdirməliyik”.
AZƏRTAC xəbər verir ki, bu barədə Prezident Rəcəb Tayyib Ərdoğan ölkənin cənubundakı Qaziantep vilayətində təbii fəlakət zonasının sakinlərinə 5113 yaşayış binası və ticarət obyektinin açarlarının təqdim edilməsi mərasimində bildirib.
Türkiyə liderinin sözlərinə görə, bu ilin sonuna kimi ölkənin 2023-cü ilin fevralında baş vermiş zəlzələlərdən zərərçəkmiş 11 vilayətində tikilən obyektlərin sayı 201 min 688-ə çatacaq.
Dövlət başçısı qeyd edib ki, iki dağıdıcı zəlzələnin episentrinə çevrilən Kahramanmaraş vilayətində artıq 155 min mənzil istifadəyə verilib.
Ərdoğan şəhərsalmanı “güclü Türkiyənin mühüm komponenti” adlandırıb və Qaziantepdə metro tikintisi planlarını açıqlayıb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
