ERMƏNİSTAN PREZİDENTİ ROBERT KOÇARYANIN BƏYANATI
Azərbaycan Prezidenti ilə biz bu görüş barədə Varşavada keçirilmiş axırıncı görüşümüzdə razılığa gəlmişdik və nazirlərə müvafiq tapşırıqlar verilmişdi. Bilirsiniz ki, bizim xarici işlər nazirləri arasında görüş olmuşdur, biz prosesin necə getdiyi barədə fikir mübadiləsi apardıq. Nazirlərin işini müsbət qiymətləndirdik. İndi isə vəziyyət başqa idi, prezidentlər müəyyən mövqeləri dəqiqləşdirməli idilər. Biz bu mövqelər üzrə baxışlarımızı açıqladıq, artıq digər tərəfin mövqeyini bilərək, daha konkret fikrə gəlmək üçün bizə - mənə də, Azərbaycan Prezidentinə də vaxt lazımdır. Prinsip etibarilə, proses gedir. Biz hansısa xüsusi uğurların olması ilə öyünə bilmərik. Ancaq ən başlıcası odur ki, proses konstruktiv məcrada gedir. Bizə miras qalmış və hər halda həll etmək niyyətində olduğumuz çox mürəkkəb problemləri olduqca sakit və səbirlə müzakirə etməyə qadirik. Hələlik bu qədər, əlbəttə ki, bu gün təfsilata varmayacağıq. Diqqətinizə görə sağ olun.
Bölmənin digər xəbərləri
