Ermənistanda COVID-19 virusuna yoluxanların sayı 40 min 593 nəfərə çatıb
Tbilisi, 11 avqust, AZƏRTAC
Ermənistanda koronavirusa yoluxanların sayı 40 min 593 nəfərə çatıb. Onlardan 160 nəfəri koronavirusa son sutka ərzində yoluxub.
AZƏRTAC xəbər verir ki, bu barədə Ermənistan səhiyyə nazirliyinin xəstəliklərə nəzarət və profilaktikası milli mərkəzi məlumat yayıb.
Bildirilir ki, pandemiya qurbanlarının sayı da daha 7 nəfər artaraq 803 nəfərə çatıb. Son 24 saat ərzində Ermənistanda daha 234 nəfər koronavirus xəstəsi digər səbəblərdən dünyasını dəyişib.
Hazırda Ermənistanda 6 min 399 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
