Ermənistandakı pirotexniki məmulatlar anbarında baş verən yanğında 3 nəfər xəsarət alıb
Tbilisi, 3 yanvar, AZƏRTAC
Yanvarın 3-də günün ikinci yarısında Ermənistanın Gürcüstan ilə sərhədindəki Baqrataşen keçid məntəqəsinin ərazisində pirotexniki məmulatlar anbarında güclü yanğın baş verib.
AZƏRTAC Ermənistan mediasına istinadla xəbər verir ki, yanğın nəticəsində 3 nəfər xəsarət alıb.
İlkin məlumatlara görə, yanğın pirotexniki vasitələr bölməsindən başlayıb.
Ermənistan Daxili İşlər Nazirliyinin məlumatına görə, hazırda yanğının lokallaşdırılması istiqamətində işlər davam etdirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
